ⵍⵄⵉⵕⴰⵇ ⵜⵙⵎⴰⵢⵏⵓ ⴰⵙⴷⴷⵉⴷ ⵅⴼ ⵡⴰⴷⴷⴰⴷ ⵏ ⵓⵙⴷⵓⵙ ⵏ ⵜⵎⵓⵏⵉ ⵜⴰⵎⵓⵔⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ
ⵉⵏⵏⴰ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵎⴰⵙⵙ ⵏⵏⴰⵄⵎ ⵎⵢⴰⵕⴰ, ⴰⵙⵙ ⵏ ⵓⴽⵡⴰⵙ ⴳ ⴷⴷⴰⵅⵍⴰ, ⵜⵎⵏⴰⴹⵜ ⵏ ⴷⴷⴰⵅⵍⴰ - ⵡⴰⴷ ⴷⴷⴰⵀⴰⴱ, ⵎⴰⵙ ⵜⴳⴰ ⴰⵖⵓⵍ ⵜⴰⵎⵏⴰⴹⵜ ⵉ ⵎⴰⵕⵕⴰ ⵉⵙⵙⴰⵔⵓⵜⵏ ⵉⵔⵣⵣⵓⵏ ⵏ ⵜⵡⵓⵔⵉⵡⵉⵏ ⵜⵉⴷⵎⵙⴰⵏⵉⵏ, ⴳ ⵓⵎⵏⴰⴹ ⴰⵖⵣⵓⵔⴰⵏ ⵉⵜⵜⵢⴰⵙⵙⵏ ⵙ ⵜⴰⵙⵙⴰⵙⵜ.
ⵉⵙⵙⵍⴽⵏ ⵎⴰⵙⵙ ⵎⵢⴰⵕⴰ, ⴳ ⵓⵕⵥⵥⵓⵎ ⵏ ⵜⵉⵏⴰⵡⵜ ⵜⴰⵏⵎⵏⴰⴹⵜ, ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵅⴼ ⵉⵎⵔⵙⵉ “ ⵜⴰⵏⵎⵏⴰⴹⵜ ⵜⴰⵎⴰⵍⴰⵢⵜ ⴷ ⵓⵎⵙⴰⵔⴰⵙ ⵏ ⵜⴳⵎⵉ ⵜⴰⵎⵓⵔⴰⵏⵜ ⵉⵎⵙⴰⵙⴰⵏ : ⵜⴰⵎⵏⴰⴹⵜ ⴷⴷⴰⵅⵍⴰ- ⵡⴰⴷ ⴷⴷⴰⴱⴰⵀ ⵙ ⵓⵎⴷⵢⴰ”, ⵜⴰⵎⵏⴰⴹⵜ ⴰⴷ ⵜⴰⵎⴰⴼⴰⵢⵜ ⵙ ⵜⵣⵎⵎⴰⵔ ⵏⵏⵙ ⵜⵉⴷⵎⵙⴰⵏⵉⵏ ⴷ ⵜⵏⴳⵎⴰⵏⵉⵏ ⵜⵉⵎⵏⴰⵡⴰⵢⵉⵏ, ⴷ ⵡⴰⵏⵙⴰ ⵏⵏⵙ ⴰⵊⵢⵓⴳⵔⴰⴼⵉ, ⵢⵓⵊⵊⴰ ⴰⴼⵔⴽⴰⵏ ⴰⴷ ⴷ ⵜⴰⴳⴳⵓⵔⵜ ⵏ ⵍⵎⵖⵔⵉⴱ ⵜⴰⵎⵓⵔⴰⵏⵜ ⴷ ⵜⴰⵢⵍⴰⵏⵜ ⵖⵔ ⵓⵡⵔⵔⵄ ⵏⵏⵙ ⴰⴼⵔⵉⵇⵉ.
ⴷ ⵓⵙⵙⴹⴼⵕ ⵜⴰⵎⵏⴰⴹⵜ ⵏ ⴷⴷⴰⵅⵍⴰ - ⵡⴰⴷ ⴷⴷⴰⵀⴰⴱ ⴰⵔ ⵜⵙⵙⵎⵏⵉⴷ ⵢⴰⵏ ⵓⴼⵍⵜⴰⵙ ⴰⴷⵎⵙⴰⵏ ⵉⵍⵍⴰⵏ ⴳ ⵎⴰⵕⵕⴰ ⵉⴳⵔⴰⵏ,” ⴰⵢⴷⴰ ⵏ ⵉⵙⵍⵎⴰⵏ ⵉⵙⵃⴷⵓⴷⵉ ⵜⴰⵎⵜⵜⴰ ⵜⴰⵎⵏⵣⵓⵜ ⵉ ⵜⵎⴳⵓⵔⵉ ⵜⴰⵎⵙⴰⴷⵓⵔⵜ, ⴷ ⵓⵙⴰⵜⵉⵎ ⵏ ⵡⴰⵎⴰⵏ ⴰⵔ ⵢⴰⴽⴽⴰ ⵜⴰⵣⵎⵔⵜ ⵉ ⵜⵉⴳⴳⵉ ⵏ ⵢⵉⴳⵔ ⴰⵏⴼⵍⴰⵃ, ⴷ ⵡⴰⵏⵙⴰ ⴰⵊⵢⵓⴳⵔⴰⴼⵉⵢ ⵉⴼⴽⴰ ⵢⴰⵜ ⵜⵉⵏⵏⵓⵣⵖⴰ ⵅⴼ ⵓⴼⵔⴽⴰⵏ ⵉ ⵓⵙⴷⴷⵔ ⵏ ⵜⵎⴰⵍⵍⴰⵢⵜ ⵜⴰⵏⵣⵔⵓⴼⴰⵏⵜ ⵜⴰⵢⵍⴰⵏⵜ, ⴷ ⵜⵓⵍⵍⵓⵖⵜ ⵏ ⵜⵎⵔⵏⵉⵡⵜ ⵏ ⵢⵉⴳⵔ ⵜⵏⴰⴼⵓⵜⵉⵏ ⵏⵏⴰ ⵉⵣⴷⵉⵢ ⵓⵙⴱⵓⵖⵍⵓ ⵏⵏⵙ ⵙ ⵓⴱⵓⵖⵍⵓ ⵏ ⵢⵉⴳⵔⴰⵏ ⵏ ⵜⵙⵢⴰⴼⵓⵜⵉⵏ ⵜⵉⵙⵉⵍⴰⵏⵉⵏ”.
ⵉⵙⵙⴼⵔⴰ ⵎⴰⵙⵙ ⵎⵢⴰⵕⴰ ⵎⴰⵙⴷ ⵉⵙⵙⵓⵖⴷⵏ ⴰⴷ ⵏⵉⵜⵏⵉ ⴷ ⵉⵎⵔⵙⵉ ⵏ ⵓⵙⵡⵓⴷⴷⵓ ⴰⵙⴳⴰⵡⴰⵏ, ⵎⴰⵛⴰ ⵙ ⵓⵎⵏⵉⴷ ⴰⵏⴰⵎⵓⵔ ⴰⵎⵇⵔⴰⵏ, ⵙ ⵓⵎⵏⴰⴷ ⵎⴰⵙⴷ ⵜⴰⵎⵏⴰⴹⵜ ⴰⴷ ⵜⵜⵓⵙⵓⵜⵢ, ⴰⵡⴷ, ⵙ ⵜⵙⴰⵖⵓⵍⵜ ⵏ ⵓⵎⴷⵢⴰ ⴰⵏⴳⵎⴰⵏ ⴰⵎⴰⵢⵏⵓ ⵏ ⵜⵙⴳⴳⵯⵉⵏ ⵏ ⵉⴼⴼⵓⵙ, ⵎⴰⵢⴰⴷ ⵉⵜⵊⵊⴰ ⵅⴼ ⵓⵙⵇⵇⵉⵎ ⵏⵏⵙ ⵜⵉⵏⵥⴰⵕ ⵏⵏⵉⴹⵏ, ⵙ ⵉⵎⵙⴰⵔⴰⵙⵏ ⵉⵄⴷⵓⵏ ⴰⴷⵖⵔⴰⵏ ⴷ ⵓⵙⴳⴰⵡⴰⵏ.
ⵉⵙⴷⴷⵉⴷ ⵎⴰⵙⴷ ⵜⴰⵙⴳⴰ ⴰⴷ ⵜⵙⴳⴷⵣ ⴰⵙⵙⴰ ⵉ ⵓⵏⵄⴰⵕ ⵅⴼ ⵓⵎⵓⵔⵙ ⵏ ⵓⵙⵜⴰⵢ ⵏ ⵜⴳⵎⵉ, ⴷ ⵅⴼ ⵢⵉⵍⵉ ⵏ ⵡⴰⵇⵇⴰⵙ ⴰⵙⵔⵜⴰⵏ ⵉ ⵢⵉⵔⵉⵎ ⵏ ⵓⵙⵔⵜⵓ ⴰⵎⴰⵢⵏⵓ ⵏ ⵓⵙⵡⵓⴷⴷⵓ ⵢⴰⴽⴽⴰⵏ ⵉ ⵉⵎⵣⴷⴰⵖ ⵉⴷⵖⵔⴰⵏⵏ ⴰⵎⵡⴰⵊⴱ ⵏ ⵓⵎⵙⵙⵓⴳⵓⵔ ⵏ ⵓⴼⵔⴽⴰⵏ ⵙ ⵜⵙⵉⵍⴰ ⵜⵉⴷⵉⵎⵓⵇⵕⴰⵟⵉⵢⵉⵏ ⴷ ⵉⵙⵜⴰⵢⵏ, ⵉⵙⴱⵏⵏⴷ ⵎⴰⵙⴷ ⵜⴰⵙⴳⴰⵡⴰⵏⵜ ⴰⵔ ⵜⴰⴽⴽⴰ ⴰⵙⵙⴰ ⵉ ⵉⴳⵏⵙⴻⵙⵏ ⵜⴰⵚⴰⴷⴼⴰ ⵏ ⵓⵙⵉⵡⵍ ⵙ ⵢⵉⵙⵎ ⵏ ⵉⵎⵣⴷⴰⵖ, ⴷ ⵙ ⵢⵉⵙⵎ ⵏ ⵉⵙⵙⵓⵜⵓⵔⵏ ⵏⵏⵙ ⴷ ⵉⵙⵎⵎⵙⵜⵉⵢⵏ ⵏⵏⵙⵏ.
ⴼⴼⵉⵔ ⵎⴰⴷ ⵉⵎⵍⴰ ⵎⴰⵙⴷ ⵜⴰⵙⴳⴰⵡⴰⵏⵜ, ⵏⵜⵜⴰⵜ ⴷ ⴰⴷⵡⴰⵍ ⵙ ⴰⴷⵖⵔⴰⵏ, ⵓⵔ ⴷ ⵅⵙ ⵎⵉⵏ ⵉⵇⵇⵏ ⵙ ⵉⵙⵓⴳⴰⵏ ⴷ ⵜⵣⵎⴰⵔ ⵎⴰⵛⴰ ⵜⵙⵎⵓⵏ ⴰⴼⴳⴰⵏ ⴷ ⵢⵉⵍⵙ ⵏⵏⵙ ⴷ ⵜⵎⵢⵓⵔⵉⵏ ⵏⵏⵙ ⴷ ⵜⴰⵢⵙⵉ ⵏⵏⵙ ⴷ ⵜⴷⵍⵙⴰ ⵏⵏⵙ, ⵉⵙⴷⴷⵉⴷ ⵎⴰⵙ ⵎⵢⴰⵕⴰ ⵎⴰⵙⴷ ⵜⴰⵎⵏⴹⴰⵡⵜ ⵏ ⵜⴳⵍⴷⵉⵜ ⵉⴼⴽⴰ ⵜⵉⵏⴷⵉ ⵉ ⵓⵎⵏⴰⴷ ⴰⵃⵙⵙⴰⵏⵉⵢ ⴰⵏⵣⵔⵓⴼⴰⵏ, ⵉⵙ ⵉⴳⴰ ⴰⴼⵔⴷⵉⵙ ⵙⴳ ⵉⴼⵔⴷⵉⵙ ⵏ ⵜⵎⴰⴳⵉⵢⵜ ⵜⴰⵏⴰⵎⵓⵔⵜ ⵉⵎⵓⵏⵏ, ⵎⴰⵢⴰⴷ ⵉⵇⵇⴰⵔ ⵙ ⵓⴽⴰⵎⴷ ⵙ ⵜⴷⵍⵙⴰ ⴰⴷ ⴷ ⵉⵏⵉⴳⵍⵏ ⵏⵏ, ⴷ ⵜⵉⴳⴳⵉ ⵏⵏⵙ ⴷ ⵜⵥⴰⵎⵓⵎⵜ ⵏ ⵓⵙⵉⵙⵉⵏ ⵙ ⵓⴼⵔⴽⴰⵏ ⴰⴷ ⵜⵥⵍⴰⵢⵜ ⵏⵏⵙ.
ⴳ ⵜⵙⴳⴰ ⵢⴰⴹⵏ, ⵉⵙⴷⴷⵉⴷ ⵎⴰⵙⵙ ⵎⵢⴰⵕⴰ ⵎⴰⵙⴷ ⴰⵏⵎⵓⴳⴳⴰⵔ ⴰⴱⵕⵍⴰⵎⴰⵏⵉⵢ ⵏ ⵜⵎⵏⴰⴹⵉⵏ, ⵏⵏⴰ ⵉⵙⵙⴰⴷⴼ ⵓⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⴳ ⵜⵎⵙⵙⴽⵜⵉⵜ ⵏⵏⵙ ⵏ ⵓⵙⴳⴳⵯⴰⵙ, ⵉⵙⵡⵓⵔⵉ ⵅⴼ ⵜⵎⵙⴰⵔⵉⵏ ⵉⵥⵍⵉⵏ , ⵃⵓⵎⴰ ⴰⴷ ⵎⵓⵏⴻⵏⵜ ⵜⴰⵏⵏⴰⵢⵉⵏ ⵖⵉⴼⵙ, ⵏⵏⵉⵖ ⵜⵉⴼⵉ ⵏ ⵜⵉⵕⵉⵕⴹⵜ ⵏ ⵓⵎⵙⴰⵙⴰ ⵖⵉⴼⵙ ⵙ ⵡⴰⴽⴰⵣ ⴷ ⵓⵙⵙⵓⵎⵔ ⵏ ⵉⴼⵙⵙⴰⵢⵏ, ⵏⵏⵉⵖ ⴰⵙⵍⵎⵉⵍⵉ ⵏ ⵜⴰⵏⵏⴰⵢⵉⵏ ⵉⵎⵣⴰⵔⴰⵢⵏ ⵏⵏⴰ ⵉⵙⵏⴽⵓⵎⵎⵓⵏ ⴰⵎⵙⴰⵙⴰ ⴷ ⵓⵙⵎⴰⴷ ⵏⵏⴰ ⵉⵜⵜⵓⵙⵓⵜⵔⵏ ⵙⴳ ⵉⵏⴽⵛⴰⵎⵏ ⴰⴽⴽⵯ.
ⴷ ⵓⵙⵙⴹⴼⵕ ⵉ ⵓⵏⵎⵓⴳⴳⴰⵔ ⴰⴷ, ⵉⵙⵙⴹⴼⵕ ⵎⴰⵙⵙ ⵎⵢⴰⵕⴰ, ⵉⵜⵜⵓⴳⴰ ⵓⵙⵔⵓⵙ ⵏ “ⵜⵉⵏⴰⵡⵉⵏ ⵜⵉⵙⴳⵓⵎⴰⵏⵉⵏ ⵜⵉⵙⴳⴰⵡⴰⵏⵉⵏ” , ⵏⵜⵜⴰⵜ ⴷ ⴰⵙⴰⵜⵉ ⴰⵙⴳⴰⵡⴰⵏ, ⵙⵙⴳⴷⵍⵏ ⵜⵜ ⵜⵙⴳⴳⵯⵉⵏ , ⵙⴳ ⴷⵉⴽⵙ ⴰⵔ ⵉⵜⵜⵓⵎⵓⵜⵜⵢ ⵙⴳ ⵓⵙⵡⵉⵏⴳⵎ ⵍⵎⴰⴽⵔⵓ, ⵙ ⵜⵎⵢⴰⴷⴰⵙⵜ ⵏ ⵉⵎⵓⴽⵔⵉⵙⵏ ⵉⵜⵜⵓⵙⵔⵙⵏ ⴳ ⵜⵎⵏⴰⴹⵉⵏ, ⵙ ⵓⵙⴱⴷⴷ ⵖⵓⵔ ⵜⵎⴰⵢⴷⴰⵙⵜ ⵏ ⵜⵎⵏⴰⴹⵜ ⵉ ⵓⵙⵙⵓⵜⵔ ⵏ ⵜⴳⵎⵉ, ⴷ ⵓⵃⵢⵢⵍ ⴰⵏⵊⵎⵓ ⵉ ⵉⵖⴰⵡⴰⵙⵏ ⵏ ⵡⴰⴷⴰⵙ, ⴷ ⵓⵎⵏⵉⴷ ⵏ ⵜⵣⵎⵔⵜ ⵅⴼ ⵜⵎⵙⴽⵔⵜ ⵏ ⵜⵥⵍⴰⵢⵉⵏ ⵙ ⵉⵙⵡⵓⵜⵜⵓⵜⵏ ⵏ ⵜⵕⵡⵉ ⴷ ⵡⵉⵏⵏⵉⴹⵏ,
ⴷ ⵉⵎⵙⴳⵔⴰ ⵎⴰⵙⴷ ⴰⵡⵜⵜⴰⵙ ⵏ ⵓⵙⵇⵇⵉⵎ ⴷ ⴰⵎⵎⵓⵜⵉⵢ ⵙ ⵜⵎⵏⴰⴹⵉⵏ ⵏ ⵍⵎⵖⵔⵉⴱ, ⴷ ⵙ ⵢⵉⴳⵔⴰⵏ ⵏ ⵓⵙⵡⵓⴷⴷⵓ ⵏⵏⵙⵏⵜ, ⴷ ⵓⵙⵙⴼⵍⴷ ⵥⴰⵕⵙⵏⵜ, ⴰⵔ ⵜⴼⵍⵜⴰⵙⵏⵜ ⵜⵉⵔⵎⵉⵜ ⵏⵏⵙⵏⵜ, ⵃⵓⵎⴰ ⴰⴽⵉⴷⵙⵏⵜ ⵎⵢⴰⵖⵏⵜ ⵜⵎⵏⴰⴹⵉⵏ ⵢⴰⴹⵏ, ⴳ ⵓⵏⵏⵓⵕⵥⵎ ⵉ ⵓⵎⴰⵜⴰ ⴷ ⵙ ⵓⵎⴰⵜⴰ, ⴷ ⴳ ⵓⵎⵎⵙⴽⴰⵍ ⵏ ⵜⵎⵓⵣⴰⵢⵉⵏ ⴷ ⵢⵉⵔⵉⵎⵏ. ⴷ ⵜⵓⴷⴼ ⵜⵉⵏⴰⵡⵜ ⴰⴷ, ⵜⵉⵙⵙ ⴽⵔⴰⴹⵜ ⴳ ⵡⴰⵏⴰⵙ ⵏⵏⵙ, ⵉⵜⵜⵓⵙⵏⵎⴰⵍⴰⵏ ⵙ ⵓⴷⵔⴰⵡ ⵏ ⵜⵎⵏⴰⴹⵜ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ, ⴳ ⵜⵎⴳⴳⴰ ⵜⵉⵙⵎⴰⵜⵜⴰⴳⵉⵏ ⵉ ⵉⴳⵉ ⵏ ⵜⵙⵓⵜⵍⵜ ⵜⵉⵙⵙ ⵙⵎⵎⵓⵙ ⵏ ⵓⵏⵎⵓⴳⴳⴰⵔ ⴰⴱⵕⵍⴰⵎⵏⵉⵢ ⴰⵙⴳⴳⵯⵙⴰⵏ ⵏ ⵜⵎⵏⴰⴹⵉⵏ ⴳ ⵓⵙⴳⴳⵯⴰⵙ ⴰⴷ, ⵉⵎⴽⵉⵏⵏⴰ ⴷ ⵜⵓⵛⴽⴰ ⴳ ⵓⵎⵏⴰⴹ ⵏ ⵓⵏⵏⵓⵕⵥⵎ ⵉⵣⴷⵉⵏ ⵏ ⵓⵙⵇⵇⵉⵎ ⵅⴼ ⵉⴼⴼⵓⵍⵙⵏ ⴷ ⵜⵖⵉⵍⵍⴰⵡⵉⵏ ⵏ ⵜⵎⵏⴰⴹⵉⵏ ⵏ ⵜⴳⵎⴷⵉⵢⵜ, ⴷ ⵜⵡⵓⵔⵉ ⵏⵏⵙ ⵉⵣⴷⵉⵏ ⵉ ⵓⵙⵓⵎⵏ ⵏ ⵜⵎⴰⴳⵉⵢⵜ ⵜⴰⴷⵓⵙⵜⵉⵔⵉⵢⵜ ⴰⵡⵄⵄⵔ ⴰⴱⵕⵍⴰⵎⵏⵉ ⵉ ⵜⵎⵏⴰⴹⵉⵏ
ⴱⴹⴰⵏⵜ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵅⴼ ⴽⵔⴰⴹ ⵡⴰⴽⵓⵎⵏ ⵉⵙⵉⵍⴰⵏⵏ, ⵣⴷⵉⵏ ⵙ “ⵜⵉⵎⵙⴽⵔⵜ ⵏ ⵜⵥⵍⴰⵢⵉⵏ ⵜⵉⵏⵉⵎⴰⵏⵉⵏ ⵜⵉⵎⴷⵔⴰⵡⵉⵏ ⴳ ⵢⵉⴳⵔ ⵏ ⵜⴳⵎⵉ ⵜⴰⴷⵎⵙⴰⵏⵜ: ⴰⵙⵖⵓⴷⵓ ⵏ ⵜⵉⵏⵏⵓⵖⵣⴰ ⵏ ⵢⵉⴳⵔ ⴰⵎⵓⵔⴰⵏ ⴷ ⵓⵙⴷⵓⵙ ⵏ ⵜⵙⵎⵎⵙⵡⵓⵔⵜ ⵙ ⵓⵎⵢⴷⴰ”, ⴷ “ ⵡⴰⵔ ⵜⵉⵏⵏⵓⵎⵙⴰ ⵜⴰⵎⵙⵙⵓⴳⵓⵔⵜ ⴳ ⵜⵎⵏⴰⴹⵜ ⵏ ⴷⴷⴰⵅⵍⴰ- ⵡⴰⴷ ⴷⴷⴰⵀⴰⴱ: ⵜⴰⵎⴰⵜⵜⴰⴳⵜ ⵜⴰⵙⵉⵍⴰⵏⵜ ⵉ ⵓⵙⵙⴹⵕⵓ ⵏ ⵜⴳⵎⵉ ⵜⴰⵙⴳⴰⵡⴰⵏⵜ ⵉⵎⵙⴰⵙⴰⵏ”, ⴷ “ ⵓⵙⴽⴽⵉⵏ ⴰⴷⵍⵙⴰⵏ ⴰⴷⵖⵔⴰⵏ: “ ⵎⴰⵜⵜⴰ ⵜⵎⵙⴽⵔⵜ ⵅⴼ ⵓⵙⵉⴷ ⴰⵏⵉⵎⴰⵏ ⴰⵎⴰⵣⴰⵔ”.
ⵜⵜⵓⵔⴰⵏⴰⵡ ⵜⵉⵏⴰⵡⵜ ⴰⴷ ⵜⴰⵙⴳⵓⵎⴰⵏⵜ ⵜⴰⵙⴳⴰⵡⴰⵏⵜ ⵙ ⵜⵉⵍⵉⵜ, ⵙ ⵓⵥⵍⴰⵢ, ⵍⵡⴰⵍⵉ ⵏ ⵜⵎⵏⴰⴹⵜ ⴷⴷⴰⵅⵍⴰ - ⵡⴰⴷ ⴷⴷⴰⵀⴰⴱ ⴰⵏⴱⴱⴰⴹ ⵡⴰⴷ ⴷⴷⴰⵀⴰⴱ ⵍⴰⵎⵉⵏ ⴱⵏⵄⵎⵕ, ⴷ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⵙⴳⴰⵡⴰⵏ ⵍⵅⵟⵟⴰⵟ ⵢⵏⵊⴰ, ⴷ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵓⵙⵙⵉⴹⴼⵕ ⵏ ⵢⴰⵏ ⵡⵓⵟⵟⵓⵏ ⵏ ⵉⵎⵙⵜⴰⵢⵏ ⵉⴷⵖⵔⴰⵏⵏ ⴷ ⵉⵙⵍⵡⴰⵢⵏ ⴷ ⵉⴳⵏⵙⴻⵙⵏ ⵏ ⵜⵏⴰⴼⵓⵜⵉⵏ ⵏ ⴱⵕⵕⴰ ⴷ ⵜⵉⵕⵡⵉⵜⵉⵏ ⵜⵉⴷⵎⵙⴰⵏⵉⵏ.
( ⵎⴰⴱ)
