Skip to main content

ⵜⵉⵏⵉⵔⵉ : ⵜⵙⵎⴰⵢⵏⵓ ⵎⵉⵔⵉⴽⴰⵏ ⴰⵙⴷⵓⵙ ⵏⵏⵙ ⵉ ⵓⵙⵖⵉⵡⵙ ⵏ ⵓⵏⵏⴱⴹ ⴰⵢⵉⵎⴰⵏ ⵣⵓⵏⴷ ⴰⴼⵙⵙⴰⵢ ⵉⵖⵓⴷⴰⵏ ⵖⵓⵔ ⵓⴷⴷⵓⵔ ⵉⴳ ⵡⵉⵏ ⵜⵉⵍⴰⵡⵜ

Sahara : Les Etats-Unis réitèrent leur soutien au plan d’autonomie comme solution sérieuse, crédible et réaliste

ⵜⵙⵎⴰⵢⵏⵓ ⵜⵎⴰⵡⴰⵙⵜ ⵏ ⵓⵙⵍⵡⴰⵢ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵏ ⵉⵙⴽⴽⵉⵏⵏ ⵏ ⵜⵎⴷⴷⴰⵙⵉⵏ ⵜⵉⵎⴰⴹⵍⴰⵏⵉⵏ, ⵎⴰⵙⵙⴰ ⵎⵉⵛⵉⵍ ⵙⵉⵙⵓⵏ, ⴰⵙⵙ ⵏ ⴰⴽⵕⴰⵙ ⴳ ⵕⵕⴱⴰⵟ, ⴰⵙⴷⵓⵙ ⵏ ⵎⵉⵔⵉⴽⴰⵏ ⵉ ⵓⵙⵖⵉⵡⵙ ⴰⵎⵖⵔⵉⴱⵉⵢ ⵏ ⵓⵏⵏⴱⴹ ⴰⵏⵉⵎⴰⵏ, ⴰⵢⴷⴷⵖ ⵉⴳⴰ ⴰⴼⵙⵙⴰⵢ ⵉⴼⵓⵍⴽⵉⵏ ⵏⵏⴰ ⵖⵓⵔ ⵢⴰⵏ ⵡⴰⵜⵉⴳ ⵏ ⵜⵉⵍⴰⵡⵜ ⵉ ⵜⴰⵥⵉⵜ ⵏⵏⴰ ⵉⵍⵍⴰⵏ ⵅⴼ ⵜⵏⵉⵔⵉ.

ⵜⵙⵙⴼⵔⴰ ⵎⴰⵙⵙⴰ ⵙⵉⵙⵓⵏ, ⴳ ⵜⵉⵏⴰⵡⵜ ⵜⴰⵏⵖⵎⴰⵙⵜ ⴷⴷⴰ ⴳ ⴷⴰ ⵜⵜⵎⵔⴰⵔⴰ ⴰⴽⴷ ⵓⵙⵍⵡⴰⵢ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵉⴼⵔⵉⵇⵉⵢ ⴷ ⵉⵎⵖⵔⴱⵉⵢⵏ ⵉⵍⵍⴰⵏ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⵎⴰⵙ ⴷ ‘’ⵜⵙⵓⵍ ⵎⵉⵔⵉⴽⴰⵏ ⴷⴰ ⵜⵜⵉⵏⵉ ⵉⵙ ⵉⵙⵓⵍ ⵓⵙⵖⵉⵡⵙ ⵏ ⵓⵏⵏⴱⴹ ⴰⵏⵉⵎⴰⵏ, ⵏⵏⴰ ⵉⴼⴽⴰ ⵍⵎⵖⵔⵉⴱ ⵉⴳⴰ ⵢⴰⵏ ⵓⴼⵙⵙⴰⵢ ⵉⵖⵓⴷⴰⵏ, ⵉⴳⴰⵏ ⴰⵎⵙⵙⴳⵍⵉ ⴷ ⵉⴳ ⵡⵉⵏ ⵜⵉⵍⴰⵡⵜ’’.

ⴷ ⵜⵏⵏⴰ ⵜⵏⴱⴷⴰⴷⵜ ⵜⴰⵎⵉⵔⵉⴽⴰⵏⵉⵢⵜ ⵎⴰⵙ ⴷ ‘’ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⴷⴰⵔ ⵎⵉⵔⵉⴽⴰⵏ ⵉⴳⴰ ⵜⵜ ⵓⵙⴷⵓⵙ ⵏ ⵓⴱⵔⵉⴷ ⵉⴳⴰⵏ ⴰⵎⵙⴳⵍⵉ ⵉⵜⵜⴰⵡⵉⵏ ⵙ ⵓⴼⵙⵙⴰⵢ ⵉⵙⴱⵃⵏ ⵉⴳ ⵡⵉⵏ ⵡⴰⴱⴷⴰ ⵉ ⵜⴰⵥⵉⵜ ⵅⴼ ⵜⵏⵉⵔⵉ, ⴰⵛⴽⵓ ⴰⵔ ⵜ ⵉⵙⴷⵓⵙ ⵡⴰⵎⵓⵏ ⴰⵎⴰⴹⵍⴰⵏ’’
ⵉⵏⵏⴰ ⵡⴷ ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⵉⵜⵜⵓⵎⵔⴰⵔⴰ ⴳⵉⵙ, ⴰⵙⴷⵓⵙ ⵉⵣⴷⵉⵏ ⵏ ⵎⵉⵔⵉⴽⴰⵏ ⵏ ⵍⵉⵙⵜⵉⴼⴰⵏ ⴷⵉⵎⵉⵙⵜⵓⵔⴰ ⵏⵏⴰ ⵉⴳⴰⵏ ⴰⵎⴰⵣⴰⵏ ⴰⵏⵉⵎⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵢⵢⴰⵡⵉⵏ ⵉⵎⵓⵏⵏ ⴰⵔ ⵜⵏⵉⵔⵉ.

ⵜⵙⵎⴷ ⴷⵉⵖ ⵎⴰⵙⵙⴰ ⵙⵉⵙⵓⵏ ‘’ⵏⵎⵔⴰⵔⴰ ⵅⴼ ⵓⵙⴷⵓⵙ ⵏⵏⵖ ⵉⵎⵇⵇⵓⵔⵏ ⵉ ⵜⵓⴳⴳⴰⵙ ⵏ ⵓⵃⵟⵟⵓ ⵏ ⵓⴼⵔⴰ ⵏⵏⴰ ⴷⴰ ⵜⴳⴳⴰ ⵍⵎⵉⵏⵉⵔⵙⵓ, ⴷ ⵡⵓⴷⴷⵓⵔ ⵏⵏⵙ ⵅⴼ ⵓⵃⵟⵟⵓ ⵏ ⵛⵛⵕⵟ ⵏ ⵓⴼⵔⴰ ⴷⴷⴰⵡ ⵏ ⵓⵃⵟⵟⵓ ⵏ ⵜⴰⵢⵢⴰⵡⵉⵏ ⵉⵎⵓⵏⵏ.

(ⵎⴰⴱ)